1. Articui definîts e indefinîts

a) Articui definîts:

m.s.	f.s.	m.p.	f.p.
il (l’)	la	i	lis

b) Articui indefinîts:

m.s.	f.s.
un	une

Par aprossimâ i numerâi gardenâi si dopre l’articul uns (sedi tal masculin, sedi tal feminin): uns cuindis dîs (una quindicina di giorni), uns trê agns (tre anni circa)...

2. Preposizions articoladis

a) Preposizion + articul definît:

m.s.	f.s.	m.p.	f.p.
al	a la; ae	ai	a lis; aes
cul	cu la	cui	cu lis
dal	da la; de	dai	da lis; des
pal	par la; pe	pai	par lis; pes
sul	su la	sui	su lis
(in)tal	(in)ta la	(in)tai	(in)ta lis
	(in)te		(in)tes

Lis formis int-, inta e ta no son altri che variantis de preposizion in e al covente scrivilis adun: inta chel lûc, intai cjamps, inta la machine ...

b) Preposizion + articul indefinît:

m.s.	f.s.
cuntun	cuntune
(in)tun	(in)tune
suntun	suntune

3. Formazion dal plurâl

a) Peraulis masculinis: par regule il plurâl des peraulis masculins si fasilu zontant ae forme singolâr un s (i dêts, i cops…). Lis peraulis che za a finissin in s a restin invariâts (i pes). Ciertis peraulis che a finissin par t a fasin il plurâl sostituint il t cul digram cj (i dincj, tancj…) e dutis chês che a finissin par l lu fasin sostituint la letare l cuntun i (i cjavai, i grumâi…). Ciertis peraulis che a finissin par li a fasin il plurâl sostituint li cun i e slungjant la vocâl de penultime silabe (i vôi). Tal câs di peraulis masculinis che a finissin par e si va daûr de regule gjenerâl pe formazion dai plurâi feminins.

Ocjo! La peraule an (anno) e fâs il plurâl in agns; la peraule bon (buono) in bogns.

b) Peraulis femininis: par regule il plurâl des peraulis feminins si fasilu sostituint la e finâl cun is (lis pomis, lis furmiis…). Ta chei altris câs il plurâl si fasilu zontant un s ae forme singolâr (lis maris, lis piels…), ma lis peraulis che za a finissin in s a restin invariâts (lis crôs).

4. Adietîfs e pronons numerâi

N.	CARDINÂI	ORDINÂI
0	zero	-
1	un, une	prin, prime
2	doi, dôs	secont, seconde
3	trê	tierç
4	cuatri	cuart
5	cinc	cuint
6	sîs	sest
7	siet	setim
8	vot	otâf
9	nûf	novesim
10	dîs	decim
11	undis	decim prin
12	dodis	decim secont
13	tredis	decim tierç
14	cutuardis	decim cuart
15	cuindis	decim cuint
16	sedis	decim sest
17	disesiet	decim setim
18	disevot	decim otâf
19	disenûf	decim novesim
20	vincj	vincjesim
21	vincjeun	vincjesim prin
22	vincjedoi	vincjesim secont
30	trente	trentesim
40	cuarante	cuarantesim
50	cincuante	cincuantesim
60	sessante	sessantesim
70	setante	setantesim
80	otante	otantesim
90	nonante	nonantesim
100	cent	centesim
101	cent e un	centesim prin
200	dusinte	dusintesim
300	tresinte	tresintesim
400	cuatricent	cuatricentesim
500	cinccent	cinccentesim
600	sîscent	sîscentesim
700	sietcent	sietcentesim
800	votcent	votcentesim
900	nûfcent	nûfcentesim
1.000	mil, un miâr	milesim
1.001	mil e un	Milesim prin
2.000	doi mil	doimilesim
1.000.000	un milion	milionesim
1.000.000.000	un miliart	miliardesim

5. Adietîfs e pronons possessîfs

m.s.	f.s.	m.p.	f.p.
gno, mio	mê	miei	mês
to	tô	tiei	tôs
so	sô	siei	sôs
nestri	nestre	nestris	nestris
vuestri	vuestre	vuestris	vuestris
lôr	lôr	lôr	lôr

6. Adietîfs e pronons dimostratîfs

m.s.	f.s.	m.p.	f.p.
chest	cheste	chescj	chestis
chel	chê	chei	chês

7. Pronons personâi

subiet          complement  

tonics	atons	tonics	atons
jo	o	me	mi
tu	tu	te	ti
lui	al	lui	lu
jê	e	jê	le
nô	o	nô	nus
vô	o	vô	us
lôr	a	lôr	ju
lôr	a	lôr	lis

obiet indiret        riflessîfs

tonics	atons	tonics	atons
mi	mi		mi
ti	ti		ti
lui	i	se	si
jê	i	se	si
nô	nus		si
vô	us		si
lôr	ur		si
lôr	ur		si

a) I pronons atons subiet o, e e a in cumbinazion cul averbi no, no si dopriju: jo no vuei, jê no fevele... ma: tu no tu puedis...

Il pronon al al devente nol.

b) Cuant che il verp al à denant un pronon aton complement, obiet o riflessîf, il pronon aton subiet al è miôr doprâlu dome te seconde persone singolâr (tu): lui si lave, jo le clamavi (e no: lui al si lave, jo o le clamavi ...). Ma: tu tu ti svantis. O conseìn di doprâ i pronons e e al, cuant che si à pardabon dibisugne di precisâ il gjenar; ta chest câs il pronon al al devente a denant di i: a i vignì sium...  

8. Cumbinazions dai pronons atons

mal	tal	jal	nus al	us al	ur al	sal
me	te	je	nus e	us e	ur e	se
mai	tai	jai	nus ai	us ai	ur ai	sai
mes	tes	jes	nus es	us es	ur es	ses

9. Adietîfs e pronons relatîfs, interogatîfs e esclamatîfs

a) Invariabii:

Ce (ce che)  -  che  -  cu  -  cui (cui che)

b) Variabii:

m.s./neutri	f.s.	m.p.	f.p.
cuâl	cuale	cuâi	cualis
cetant	cetante	cetancj	cetantis
trop	trope	trops	tropis

10. Pronons e adietîfs indefinîts

m.s./neutri	f.s.	m.p.	f.p.
alc
altri	altre	altris	altris
ancjetant	ancjetante	ancjetancj	ancjetantis
antant	antante	antancj	antantis
ciert	cierte	cierts	ciertis
cualchi	cualchi
cualchidun	cualchidune
cualsisei	cualsisei
diviers	divierse	diviers	diviersis
dut	dute	ducj	dutis
dut cuant	dute cuante	ducj cuancj	dutis cuantis
nissun	nissune
nuie
ogni	ogni
ognidun	ognidune
pôc	pocje	pôcs	pocjis
		putrops	putropis
stes, istès	(i)stesse	stes, istès	(i)stessis
tâl	tâl	tâi	tâls
tant	tante	tancj	tantis
un	une
une vore
un grum
un mont (inv.)
unmont	unmonte	unmoncj	unmontis

11. Averbis

a) Averbis di afermazion

Ancje, apont, ben, biel in pont, ciert, dabon sì, dal ciert, dal sigûr, dal vêr, juste, juste apont, lafè sì, ma lafè sì, pardabon, par vêr, sigûr, sì lafè, vulintîr.

b) Averbis di cuantitât

Ancjetant, antant, a palotis, avonde, a svuaç, cetant, fregul, gran, mancul, masse, nome - dome, passe, pôc, plui, putrop, tant, trop, une man, une vore, un freghenin, un grum, un mont, un ninin, un slac, un tic, un tinin.

c) Averbis di dubi

forsi, fuars, (al) pues jessi, (al) pues stâi, salacor, se bute, vadì.

d) Averbis interogatîfs

no?, no mo?

e) Averbis di lûc

Abàs, achì, adalgò, adalt, ad ôr, aduès, alì, altrò aniò, ator (vie), acà - ca, ca sù (jù; vie), chenti - chenci (jù; sù), culà - aculà, culà vie, culenci - culenti, culì - aculì, da cjâf, dacîs, da pît, daprûf, daûr (vie), denant - devant (vie), dentri, difûr, dilunc, dilunc (ca; jù; là; sù; vie), di prin, disore (vie), disot (vie), dispùs, dongje, dontri, dovenci, dulà - indulà, dulincà, dulinjù, dulinsù, dulintor, dulinvie, framieç, fûr (vie), inalgò, in bande, incà, in cuc, indaûr, indenant - indevant, in dues, in face, infûr, injenfri, injù, inlà - innà, inniò, insom, insot, insù,  intor (vie), jenfri (vie), là (jù; sù; vie), lenti - lenci (ator; ca; jù; là; intor; sù; vie), pardut, parmìs, parsore (vie), parsot (vie), par tiere, sore, (vie), sot (vie), sot man (vie), stradilà, sù, venti - venci (ator; jù; là; sù;), vie.

f) Averbi e locuzions averbiâls di mût

Adasi, adun, apressapôc, avuâl, ben, besclet, besvelt, biel, cemût, cjâr, compagn, cuasi, cussì, dabon, dassen, denantdaûr, dibant, dibot, diferent, distès, dret, franc, intun, just(e), mâl, malamentri, malvulintîr, -mentri (liberamentri, normalmentri...), miôr, parie, parom, piês, planc, planchin, propit, pulît, sclet, scuasit, sotsore, svelt, vulintîr.

A bracecuel, a bracevierte, a bugadis, a butadis, a cavalot, a cessecûl, a cjaval, a colp, a cufulon, ad a ments (a ments), ad in cuatri, ad in doi, ad in spissul, a fat, a fin fat, a fin fonts, a fuart, a gratis, a la svelte, a ledrôs, a lît a lît, a malistent, a martelet, a ments, a mismàs, a nivel, a pas a pas, a pendolon, a pît, a piduline, a planc, a plomp, a pueste, a puf, a purciton, a repeton, a sachemule, a sachemulin, a scjafoion, a sclip a sclip, a stic, a svuaç, a torzeon, a... vie (a mat vie, a frut vie...), ben ben, ben e no mâl, biel (a) planc, ce plui ce mancul, che mai, cuintri cûr, cuintri stomi, descul descul, di buride, di cariere, di colp, di cûr, difûr vie, di galop, di gras, di just, di ledrôs, di manvuarde, di neri, di pueste, di riscôs, di rivoc, di sbigheç, di/ in scuindon, di sfros, di sot coç, di stos, di strade, di stuart, dut intun, fûr par fûr, gnan par gnan, in bote, in code di voli, in corint, in fin dai conts/ dai fats, in pîts, in pratiche, in premure, in presse, in privât, in public, in sclavueç, in sest, in senton, in zenoglon, o di rif o di raf, par fuarce, par ledrôs, par malore, par minût, par ordin, par tres, par traviers, plui o mancul, pôc sù pôc jù, sì e no.

g) Averbis di modalitât e particulis modâls

Almancul, cenonè, magari, magari cussì no, mancumâl, mo, pluitost, po, pursì, soredut, tant, ve.

h) Averbis di negazion

Cree, fregul, gran, mai (altri; plui), (ma) lafè no, mighe/ migo/ miche, nancje, ni pôc ni trop, no, nuie (altri), purnò, piç.

i) Averbis di timp

Adore, a moments, ancjemò, a pene, aromai, benzà, bielzà, cenonè, cualchi viaç/ volte, cuant, cumò denant, dal lamp, daspò, daurman, denant trat, di chê strade, di chi indenant, di cuant incà?, di prin trat, di râr, dispès, di trat (in trat), dizà, doman, dopo (incà; mai), dopocene, dopo(di)misdì, dut a un trat, îr (l’altri; sere), in chê volte, indalore, indaûr, incumò, inmò, intant, maimodant, modant, nossere, o cumò o dibot,  ogni cuâl trat, ogni pôc, ogni tant, ogni un cuant, ore presint, o timp o tart, pal plui, par antîc, passantdoman, passe chi, po (dopo),  prest,  prin/ prime, prin da la ore, râr, simpri, sore sere, sot sere, subit - subite, tart, vuê, vuedant, vuê un an, une volte, un pieç, usgnot (passade), za.

12. Coniunzions di coordenazion

A) Aversativis

Anzit, dopo dut, dut câs, impen, intant, in timp che, invezit, ma, mintri che, ore, pal rest, par altri, pi di mancul, pûr, purpûr, se no, tant e tant, si ben.

B) Conclusivis

Alore, cussì, di daûr, duncje, in fin dai conts/ fats, in sumis, par chel, par consecuence, par fâle curte, po ben, si che (duncje), tal ultin.

C) Copulativis

Ancje, ancjemò (dongje), e ancje, nancje, ni.

D) Declarativis 

Come dî, cun di dî, di fat, o sei, tant a dî, (al) ven a dî, (al) ven a stâi, (al) ven a jessi, in fat.

E) Disiuntivis

Ce... ce, cumò... mo cumò, mo... mo, ni che... ni che, ni... ni, o, o ancje, o ben, o che... o che, o... o, o... o ben, o pûr, sei... sei.

13. Coniunzions di subordenazion

A) Causâls

A reson che, dât che, di chê bande che, di tant che, jessint che, midiant che, parcè che, par vie che, sore che, stant che.

B) Comparativis e modâls

a ûs che (di), di come che, mancul... che no, miei che, miôr che no, par tant che, piês che no, plui... che no, seont che, tant che, tant... come che.

C) Concessivis

ancje ben (dongje - mai) che, ancje se, ben che, cundut (chel) che, mai cumò che, mancje mai che, no cate che, ogni pôc che, ogni tra che, par pôc che, par tant che, se ancje, si ben che.

D) Condizionâls

a câs che, a pat e condizion che, co, fûr che, pal câs che, pûr che, simpri che, tal câs che.

E) Consecutivis

cetant... che, di mode che, in (mût e) maniere che, si che, talmentri che, tant di.

F) Finâls

a fin che, a fin di, che, cu la pôre che, cun chê che (di), di pôre che, parcè che, par che, par no che, par pôre che.

G) Temporâls

a pene che, biel che, co, cuant che, cumò che, daspò che, denant che, dopo incà che, dopo mai che, fin a tant che, fintremai che, in bote che, in chel che, infin che, intant che, in timp che, mintri che, ogni tra che, par ordin che, prin che - prime che, subit che, une volte che.

H) Obietivis

che, se.

14. Preposizions

a - ad, a di, après, cence (di), cuintri, cuintri di, cun, cunt-, cu, dentri, di - da, fale, fin - fint, fin , fintremai, gjavant, gjavât, in, int-, inta, ta, in sù, jenfri, jenfri vie, jù par, oltri di, par jenfri, ret (di),seont, sore vie di, su, sun, sunt-, sù par, tor (di), viers (di), vie par, abàs (vie) di, a (da) cjâf di, ad ôr di, al disore di, al infûr di, a messit cun, a pet di, a tac di, a traviers di, ca di, da pît di, daprûf di, daspò (di), daûr vie di, di là di, dilunc (vie) di, disore (vie) di, dongje di, framieç di, in bande di, impen di, insom di, intant di, intor di, là di, parmìs (di), parsore (vie) (di), parsot (vie) (di), par vie di, tor ator di, tramieç di traviers.  

15. Verps

Il furlan al à cuatri coniugazions:

-         prime coniugazion: jessude dal infinît in -â (fevelâ)

-         seconde coniugazion: jessude dal infinît in -ê (tasê)

-         tierce coniugazion: jessude dal infinît in -i (crodi)

-         cuarte coniugazion: jessude dal infinît in -î (cusî)

I verps ausiliârs a son: jessi e vê.