Domenie ai 10 di Zenâr pa la partide Udinese – Lazio o varìn la prime telecronache in direte par furlan, in graciis de traduzion simultanee prontade de ARLeF. Al bastarà jentrâ te sezion “live match” dal sît uficiâl dal Udin (www.udinese.it). “Ta chest moment impuartanton – al comente il diretôr de ARLeF Massimo Duca – pal avignî calcistic de scuadre, a trê ponts da la zone retrocession, il tignî dongjie sport e culture al pant un messaç positîf par ducj chei che a àn a cûr il balon”. In tribune, dongje dal president Franco Soldati, al sarà il president de ARLeF Lorenzo Zanon.