E tacarà Miercus ai 25 di Novembar la prime edizion de Mostre dal Cine, festival dal cine european tes lenghis mancul pandudis. Dongje dal Friûl, chest an, a saran 6 lis nazions che a parteciperan a chest apontament: la Galizie, la Catalogne, il Paîs Basc, la Bretagne, la Ocitanie e il Gales. Tra curtmetraçs e luncmetraçs a saran 24 in dut i films presentâts: films di finzion e documentaris, animazions e films sperimentâi che a rapresentin la realtât produtive di vuê in chestis nazions.Il festival, propit parcè che al manten une continuitât cu la Mostre dal Cine Furlan e par coerence cul sens e cui obietîfs de manifestazion, al adote tant che lenghe di riferiment la lenghe furlane. Cussì presentazions e programs a saran par furlan e i films, proietâts te lôr version origjinâl, dongje dai sottitui massime par inglês a varan ancje i sottitui par furlan. Il catalic dal festival al sarà trilengâl (furlan, talian, inglês) e in chê ocasion al vignarà fûr il numar 8 de riviste Segnâi di lûs, un numar speciâl che al ten dentri articui e intervistis leadis ae manifestazion.

La Mostre dal Cine e je organizade dal CEC (Centro Espressioni Cinematografiche) cul finanziament de ARLeF (Agjenzie Regjonâl pe Lenghe Furlane), de Provincie di Udin e dal Comun di Udin e si davuelzarà li dal cine Visionario di Udin dai 25 ai 28 di Novembar.

A vierzi la manifestazion al sarà il film galizian Pradolongo di Ignacio Vilar. Il film al conte la storie di une amicizie di trê zovins (doi fantats e une fantate) sul finî dai lôr studis superiôrs che par vie de diferencis di classe, di sieltis di vite e par colpe dal amôr a jentrin in conflit.

Ignacio Vilar e la produtore dal film Marina Fariñas a saran presints al festival e a parteciparan la dì dopo, ai 26 di Novembar aes 5 e mieze sot sere a un incuintri cul public che si fasarà li dal bar Visionario.

Il luncmetraç che al sierarà cheste prime zornade de Mostre e je une divertente comedie basche, Aupa Etxebeste! (un fotogram dal film ca in bande) metude adun di Asier Altuna e Telmo Esnal. Telmo Esnal al sarà a Udin pe ocasion.

Intal program des zornadis seguitivis o ricuardìn un altri film basc Eutsi! di Alberto Gorritiberea, che al sarà ospit dal festival, une comedie sociâl che al fronte la cuestion des delocalizazions e il documentari TransOccitan di Eric Eratostène che al viôt tant che protagonist il scritôr Roland Pécout, ancje lui presint a Udin e che il nestri public al podarà cognossi tal incuintri che si fasarà Vinars ai 27 di Novembar.

Pai passionâts di cartons animâts Vinars 27 aes 4 dopomisdì a vignarn proietâts doi curts galês Gelert e Map yr Underground ducj i doi di Hywel Griffith e un lavôr furlan fat in colaborazion cui fruts des scuelis elementârs O ai voie di jessi un vuerîr. La sere a tacâ  des 8, di no pierdi il documentari catalan di Carla Subirana Nedar e O seizh posupl de regjiste bretone Soazig Daniellou. dutis e dôs chestis regjistis a son ospitis dal festival. La serade di Vinars si sierarà cuntun film galês Cymru Fach dal regjist Gruffydd Davies, une pelicule sociologjiche e satiriche sui rapresentants de classe alte di chê nazion.

Sabide ai 28 di Novembar la Mostre e tacarà aes 4 dopodimisdì cuntun  altri film galês, une opare biografiche su doi famôs artiscj di cabaret dai agns 70 Ryan a Ronnie di Rhys Powys. Ancje Rhys Powys al è ospit de Mostre. Dopo dai incuintris cul public des 5 e mieze, aes 8 al vignarà proeitât il luncmetraç, opare prime, di Pere Vilà Pas a nivell.

Dongje di chescj luncmetraçs che o vin citât no son di dismenteâ i curts, tant che i bascs dal progjet Kimuak o i galizians metûts adun di autôrs tant che Alfonso Camarero e Jairo Iglesias. e tra i curts che a rapresentin il Friûl, La puarte sierade metût adun dal grup Buteghes Viertes.

O Ricuardìn che ancje il regjist galizian Alfonso Camarero al à volût jessi presint a chest impuartant event internazionâl.

I incuintris cul public dai protagoniscj che o vin nomenât si fasaran ai 26-27 e 28 di Novembar aes 5 e mieze sot sre li dal bar dal Visionario.

Il festival si sierarà cun Rumore bianco di Alberto Fasulo.

Come che si pues viodi, une Mostre dal Cine une vore siore e impegnative, che e à chê di fâ cognossi autôrs e cinematografiis di chestis nazions permetint cussì ancje un confront di esperiencis cu la nestre realtât.

La jentrade e sarà gratuite.

MOSTRE DAL CINE

Festival dal Cine European tes Lenghis Mancul Pandudis

Film Festival of European Cinema in the Lesser Used Languages

 

1^e edizion / 1^st edition 2009

 

Udin, li dal cine Visionario

 

 

Miercus ai 25 di Novembar

 

h. 20.00

Pradolongo di Ignacio Vilar

(Galicia/Galizie) (100’)

 

Amuak di Koldo Almandoz

(Euskal Herria/Paîs Basc) (9’)

 

A Xinecóloga di Alfonso Camarero

(Galicia/Galizie) (10’)

 

Aupa Etxebeste! di Asier Altuna e Telmo Esnal

(Euskal Herria/Paîs Basc) (87’)

 

films in v.o. cun sottitui par inglês e par furlan

English and Friulian subtitles

 

Joibe ai 26 di Novembar

 

h. 17.30

Incuintris / Meetings:

Ignacio Vilar

Marina Fariñas

Alfonso Camarero

Telmo Esnal

 

h. 20.00

Eutsi! di Alberto Gorritiberea

(Euskal Herria/Paîs Basc) (90’)

 

Dortoka uhartea di Maru Solores

(Euskal Herria/Paîs Basc) (15’)

 

La puarte sierade di Buteghes Viertes

(Friûl) (8’) (v.o. furlan)

 

Il balon tal cjâf – Ido Sgrazzutti di Dorino Minigutti

(Friûl) (20’) (v.o. furlan)

 

TransOccitan di Eric Eratostène

(Occitania/Ocitanie) (90’) (*)

 

films in v.o. cun sottitui par inglês e par furlan

(*) cun sottitui par francês e par furlan

English and Friulian subtitles

(*) sous-titres en français et frioulan

 

Vinars ai 27 di Novembar

 

h. 16.00

Gelert di Hywel Griffith

(Cymru/Gales) (25’)

 

Map yr Underground di Hywel Griffith

(Cymru/Gales) (4’)

 

O ai voie di jessi un vuerîr di Luca Peresson e Marco Amato

(Friûl) (8’) (v.o. furlan)

 

Anicet Furic di Soazig Daniellou

(Breizh/Bretagne) (13’)

 

h. 17.30

Incuintris/Meetings:

Alberto Gorritiberea

Roland Pécout

Fredo Valla

 

h. 20.00

Nedar di Carla Subirana

(Catalunya/Catalogne) (90’)

 

O seizh posupl di Soazig Daniellou

(Breizh/Bretagne) (52’)

 

Rosa dos ventos di Jairo Iglesias

(Galicia/Galizie) (13’)

 

Cores di Jairo Iglesias

(Galicia/Galizie) (7’)

 

Cymru Fach di Gruffydd Davies

(Cymru/Gales) (72’)

 

films in v.o. cun sottitui par inglês e par furlan

English and Friulian subtitles

 

 

Sabide ai 28 di Novembar

 

h. 16.00

Ryan a Ronnie di Rhys Powys

(Cymru/Gales) (67’)

 

Midori di Koldo Almandoz

(Euskal Herria/Paîs Basc) (8’)

 

h. 17.30

Incuintris/Meetings:

Soazig Daniellou

Carla Subirana

Rhys Powys

 

h. 20.00

Pas a nivell di Pere Vilà i Barceló

(Catalunya/Catalogne) (103’)

 

Lepokoa di Safy Nebbou

(Euskal Herria/Paîs Basc) (25’)

 

Il balon tal cjâf – Elena Schiavo di Dorino Minigutti

(Friûl) (20’) (v.o. furlan)

 

Rumore bianco di Alberto Fasulo

(Friûl) (90’) (version furlane cun st par inglês)

 

films in v.o. cun sottitui par inglês e par furlan

English and Friulian subtitles

 

 

 

Jentrade libare